potatep101(廣東話版)

☆留COMMENT方法☆

~置頂~留言教學~置頂~

1)先按每篇日記右下角"Comments"→
2)"名前"：自己的名字→
3)"URL"：個人網頁→
4)"空格位置"：留言→
5)"削除用パスワード設定"：隨便打幾個數字，將來用作刪除留言→
6)最後按"送信"就行了。

※留言後需獲本人認可方會顯示

歡迎在此測試↓

超簡單！3分鐘蕃茄湯

突然好想飲碗熱辣辣既湯，不過咁凍唔想整咁多野。
係咁既時候，我諗到只需3分鐘就可以整好既蕃茄湯。

材料係：
豬肉　兩塊
蕃茄　一個
洋蔥1／4個
薑絲　適量
水　150cc
鹽，胡椒粉　少許
雞粉　一茶匙　
蔥花　少許泡製方法非常簡單。
１）首先切碎豬肉、洋蔥切粒、薑切絲。
２）蕃茄原隻放入碗，用微波爐叮一分半鐘。
３）趁叮緊果陣，快手快腳用鑊炒熟豬肉，洋蔥，薑，再加入胡椒粉同埋鹽。
４）加入水同埋雞粉。
５）水滾後熄火，倒入事先叮熱既蕃茄，最後灑上蔥花，就係咁簡單！

享用時只需用匙羹整碎蕃茄，即可品嘗一碗熱辣辣既蕃茄湯，大家不妨試下。日本語版へGO!

眼鏡之旅 第四彈⑪印度咖喱＋水戶黃門

1℃！？想凍撚死人咩？
星期五最低溫度仲會跌至零下3℃，要著多幾條底褲先得啦．．．麥當勞既早餐竟然停止供應cafe au lait，真係激到我七孔噴血！唯有選擇鮮奶取代。
「麥拮你到老」(日文譯音)個包皮係pan cake，甜甜地好好味。不過呢個早餐有成827卡路里，認真駭人。呢個以電影「怪物王子」為主題既咖哩包，同重慶大廈既咖哩一樣味，好撚好食↓去左印度人經營既正宗咖喱店食晚飯。呢度既泳
咖喱都係同重慶大廈既咖哩一樣味，好撚好食。
不過跟餐既生菜沙律好似唔衛生，唔敢食。呢個印度人好熱情。
三番四次走埋黎，問我地：「好唔好食？慢慢食啦～味道如何？係咪第一次食正宗印度咖喱？慢慢享用～」
攬到我地食得好慢，d咖喱凍哂都未食完↓擁有42年歷史既大長篇日本古裝劇「水戸黄門」，以為今日係大結局，點知下星期先至係大結局特別篇，真係死唔斷氣。
主人翁徳川光圀完成佢既微服出巡之旅，返到黎水戶城，唔應該再出現印籠(類似包青天既尚方寶劍)，點知徳川光圀冇啦啦o係褲袋拎個印籠出黎，嚇到d貪宮跪低．．．
最後仲冇啦啦成班日一齊落田種蕃薯，下集大結局特別篇可能會提及蕃薯收成。
待續…
日本語版へGO!

眼鏡之旅 第四彈⑩月全蝕

朝早起身去觀察自己塊田果陣成塊田都白雪雪，結哂霜，全部變哂做急凍蔬菜↓薯仔凍到謝哂。不過都可以掘起咁多薯仔↓眼鏡婆又壞電話。同一款手機已經壞左四次，亦更換左四次。
走去電話舖投訴後，今次店員特別幫眼鏡婆更換最新款手機，仲拎左好多部出黎比眼鏡婆任揀。
放長雙眼睇佢部手機幾時壞先↓星巴克既白色mocha好撚好飲。簡直同Häagen-Dazs既opera雪榚係絕配。opera上面有d金色閃閃令既物體↓原來果d閃閃令既物體係金箔，唔怪得一杯細細杯既雪榚賣成hk＄40蚊。
好想打電話投訴Häagen-Dazs，要求佢拎走上面d金粉，賣平十蚊雞。今晚可以睇到月全蝕↓夜晚帶狗散步果陣順便去左睇月全蝕。
點知只係個月亮變紅左少少咁，毫無特別↓待續…
日本語版へGO!

眼鏡之旅 第四彈⑨車禍

呢一日，東京既眼鏡師傅搬黎千葉。
去完幫手搬屋之後開車去食飯果陣，突然架車「嘭！」一聲，好似架車爆炸咁。
過左2、3秒後，開始由頭痛到落腰，再望下後面見到有架車停左係度，呢個時候先至恍然大悟，意識到比後面架車撞上黎。
背脊痛既程度好似比人o係50cm既高處扔落地咁。

我地架車方面，眼鏡婆負責開車，眼鏡佬坐車頭，而我同東京既眼鏡師傳就坐後面。
我落車想屌尻後面條仆街，點知一落車就頭暈作嘔，馬上要返入車坐低。

我地架車就凹成咁↓但係奇蹟地，對方架車竟然冇凹到，安全氣袋都冇彈出黎。
對方係一位29歲既男性，名叫「向後」。
「向後」聲稱，當時佢想轉線，但掛住望倒後鏡冇望前面，見唔到前面我地架車o係紅綠燈前停落黎，就咁撞左上去。
估唔到佢個名叫「向後」，今次比佢堂堂正正咁向前。um…正式黎講其實佢係向左後，點知天意弄人個結果比佢向左前↓報警求助之後等左好耐救護車都唔黎救我地。救護車黎左之後又問三問四，又周圍打電話搵醫院收容我地，前後花左一個小時先送我地到醫院。
如果我地重傷既話一早冚家剷兩腳一伸含笑九泉魂歸天國啦！
係救護車入面我地四個人都戴哂頸圈↓呢個係我人生第一次坐救護車。到左醫院之後一路有專人推輪椅，認真舒適。

排隊照X光果陣，有d口乾，於是叫專人推我去汽水機買野飲，點知專人叫我忍下啦，但係一忍就忍左兩個鐘。
等左兩個鐘終於到我照x光，照完之後醫生冇啦啦走出黎叫我返入房：「t－shirt上面粒紐遮住左，要照多次！！」
疹斷結果係，我地四位都係全治兩星期。

然後收到好多張「殺龍巴屍」鎮痛貼同埋好多止痛藥胃藥消炎藥↓另外仲收到呢個頸圈，冬天戴住好保暧架↓待續…
日本語版へGO!

眼鏡之旅 第四彈⑧拜託！訓緊覺果陣唔好地震

仆街鼻涕蟲竟然偷食我辛辛苦苦種既白菜。
佢既下場當然係死路一條。散步果陣狗狗係咁食草，然後屙左好多屎。
大熊貓都應該係咁樣開始食草，慢慢由肉食性動物演變成草食性。去左搵眼鏡婆相熟既牙醫妹睇牙。
呢一晚，牙醫妹既阿哥、牙醫男打電話比眼鏡婆，而且仲講起我。
眼鏡婆：「而家有個香港人黎呢度學緊整眼鏡。」
牙醫男：「果個香港人係咪有寫blog架??」
原來呢位牙醫男係我個blog既粉絲，呢個世界真係細。

之後牙醫男專程由東京黎探我，仲帶左東京半島酒店既布丁比我，真係有我心。朝早6點鐘比地震整醒。
又凍又眼訓，就算震死我都唔起身架啦！
震完之後手機先至通知“有地震”，真係冇撚用既地震速報↓待續…
日本語版へGO!

眼鏡之旅 第四彈⑦薯仔大豐收

自己種既薯仔終於可以收穫啦♪夜晚帶狗狗去散步果陣稅得超級凍。上網CHECK天氣果陣先知道原來只得5度。耕田果陣突然頭痛作嘔。
於是去左睇醫生。呢次係我第一次o係屠本睇醫生。
醫生：「有冇嘔？」
薯仔：「仲未嘔。」
醫生：「驚你食完藥嘔返出黎徙哂，不如比ｄ塞肛門既藥你啦～」
薯仔：「唔使客氣，我會忍住唔嘔。」
排隊攞藥果陣突然嘔，即刻衝去廁所嘔左ｌｕｎｃｈ果半個吉野家牛肉飯。
嘔住之後竟然好返哂，早知扣喉嘔完就唔使睇醫生咁麻煩。

個黃綠醫生都低低地，俾左好多藥我：
止嘔藥、感冒藥、退燒藥、抗生素、胃潰瘍藥、腸胃藥↓去左七仔買「傳說的牛油咖哩雞」。呢個咖哩以最新電影「怪物小王子」為題材而創作出黎。味道同重慶大廈既咖哩非常相似，幾好味。我種既春菊上面黐左舊螳螂既卵。
聽講到春天萬千幼蟲孵化出黎果陣既情境超級嘔心↓
成功種出左紫色既椰菜花↓呢個係紫色品種，除此之外仲有綠色，橙色既品種。
紫色既外表睇落唔開胃，不過食落甜過普通既白色椰菜花架↓順帶一提第一張既薯仔相其實ｄ薯仔超細粒。
其實大失收↓待續…
日本語版へGO!

眼鏡之旅 第四彈⑥天寒地凍既UNIQLO大減價

好撚凍～～～
工場果邊既室內溫度只有13度。凍到條賓周都縮埋一舊呀。UNIQLO大減價。
朝早6點鐘去排隊既人士，特別可獲贈麵包同埋牛奶。
咁鬼凍、咁特早，搵鬼去排隊。待續…
日本語版へGO!

眼鏡之旅 第四彈⑤奇怪的店

附近有間叫做「変な店」既店舖，店名意思係「奇怪的店」，係一間鴨店。
聽講入面既鴨全部都好撚樣衰。
呢度係鄉下地方，d鴨要服侍d「日出面作日入而息」既耕田婆都幾慘。好撚凍呀～
工場既室內溫度只有14度，凍d手腳變凍柑。耕田果陣掘起左兩條幼蟲。
應該係獨角仙或者鍬形蟲既幼蟲，不過要養大佢地先知。如無意外佢地出年夏天會孵化成蟲↓待續…
日本語版へGO!

眼鏡之旅 第四彈④出差香港

11月2日～6日，去左香港出差去會展既眼鏡展參展同埋幫手做翻譯。
第為香港人竟然會返樸歸真返香港出差，真係發夢都諗唔到。

去程係日航發行既機票，國泰既飛機。
全程坐左o係兩位眼鏡設計佬既中間，搞到我好難去廁所。而回程係日航既飛機，係我第一次既日航。飛機餐竟然出現Häagen-Dazs，真係意想不到。因為今次黎香港既目的係工作冇得返屋企，被迫住酒店。
而酒店係位於銅鑼灣既富豪香港酒店，我一個人住哂一間房♪

不過唔好開心得太早，呢間自稱五星級既酒店，其實連四星都不如。

首先抵達酒店果陣，竟然冇人幫手拎行李。我地要自己由的士卸下行李，連門都要自己打開。
好心呢間酒店，出少少錢裝返個自動門，咁就唔使要d客人拎住d咁重既行李開門啦。
check in果陣又徙左我地好多時間。

連續住左四晚，眼鏡設計佬A既浴室既去水渠傳出陣陣異味，要求換房卻遭拒絕，酒店方面只放低一支消臭劑了事。
眼鏡設計佬B果邊既浴室既花灑唔出水，搞左好耐都冇人黎修理。
而我間房既浴缸儲滿水後，浴栓被水壓住打唔開，去唔到水。

最後果日我忍無可忍，搵經理出黎投訴。
經理：「為左補償，免費招待你地三位聽朝食早餐。」
薯：「冇可能，聽朝7點要check out！」
經理：「不過聽朝早餐6點半開始喎。」

經理：「咁，下次你地入住我地酒店果陣幫你地免費upgrade啦。」
薯：「我地唔會再考慮住你地酒店！」
屌，投訴完之後仲火扯〜〜入返正題，11月3～5日，連續o係會展企左三日。
雖然好辛苦，但係幾好玩，而且增長左對眼鏡既知識。

工作上尚算順利，不過工作以外連續失敗左兩次。
首先去銅鑼灣既宜家傢私果陣，帶錯路去左對面既時代廣場，搞到要行返轉頭。
第二朝由銅鑼灣去會展果陣，我建議搭叮叮電車，點知搭錯左「跑馬地」果架電車，被迫中途落車轉乘的士去會展。
身為香港人竟然做犯d咁既on9錯，真係超級羞家。

睇黎出年應該唔會再搵我出差香港啦。3號既夜晚，參加左一個眼鏡party。我o係後面既簽名板簽上左「芋田芋男」（我個日本藝名）↓係果度見到李璨琛。
李璨琛好nice，主動同我握手，我亦都幫手做左簡單翻譯。
最後我地一齊合照，但係揸相機果條粉腸，淨係影到我既半身（o係左邊say no）↓香港係美食天堂，一場黎到更係要食餐勁架啦。
時令大閘蟹超多羔，超鮮甜↓龍蝦大大隻↓碟底既疑似龍蝦肉，大家都食得好滋味。
但中途我發現果d疑似龍蝦肉原來係「伊麵底」。
當然我冇講出口，而我亦會一世保守呢個秘密。待續…
日本語版へGO!