去左印度首屈一指既大型機動遊樂場「WONDER LA」。
入園後完全兩個世界,簡直唔相信自己身在印度↓
有水上樂園。
但係水質超差,黃GUM GUM。。。
女阿差仲要身穿傳統印度服飾"沙麗"入水…真係得人驚…
首先坐左呢個急流船。
水質都係超差,黃GUM GUM。。。
所有機動遊戲都係外國既二手貨,超OUT超舊。
正如呢個"360度大迴旋",一路轉一路驚D凳會飛落街,真係一轉一驚心。
事實上呢部機器已經有兩個座位壞左…↓
之後坐左跳樓機。
豈料一路上上落落左5分鐘都唔停,中途由「驚慌」既心情轉為「煩厭」…
到下一批乘客埋哂位,跳樓機突然宣告壞機,齊齊冇得坐…↓
之後去左飛天氹氹圈。
途中突然停機,技術拎鎚仔出黎揼揼下,又繼續開機。
前後足足轉左10分鐘…
最後又壞機,下一批人冇得玩↓
碰碰車冇人玩,得我同
TEPPEI101先生兩個人鬥撞↓
室內既噁心蟲蟲過山車↓
坐住車仔遊鬼屋。
雖然唔恐怖,但入面既架構做得唔錯↓
最後係鋼線吊車。
短短一上一落足以嚇破膽↓
豆知識:
呢個遊樂場太少遊客,為節省資源大部分既機動遊戲規定最少有4~5個人先至會啟動。
不過爆粗發脾氣既話阿差就會乖乖地開郁比我地玩。
待續…
日本語版へGO!