過往既文章亦曾經介紹過「東京士多」。
今次更有幸目睹伯伯o係度製作古怪裝飾!!
薯:「可唔可以幫你影相呀?」
伯:「得!點解唔得呀?」
果然快人快語。
原來伯伯o係度整緊出年兔年既裝飾。
薯:「咁你係咪年年都整架?」
伯:「緊係啦。不過今年身體差,提早左整。」
薯:「係呀?」
伯:「對腳唔係咁好。」
正想離開之際,伯伯又開始講野。
伯:「電視台呀、雜誌黎呢度,話比錢我叫我影相,我都唔肯。錢我冇咩?錢我大把。好似你地d後生仔黎,影多多都得,大家開心咪得囉。」
薯:「係囉~」
伯:「不過叫我借錢我就唔會借架。又要還又要利息咁無謂。唔使還既話就借,要還既話就唔好借啦。」
薯:「係囉…(咁不如比d錢我)」
睇黎佢有排講,都係走為上著!
薯:「我地去食飯先啦,拜拜~」
伯:「唔使食啦~」
薯:「???」
伯:「唔使食啦~聽我講野都飽啦~」
超爆笑wwwwwwwwwwwwwwwwww
希望伯伯身體健健康康,出年繼續整龍年裝飾。
日本語版へGO!