最近經常潛入五星級酒店借廁所。
特別港島香格里拉大酒店既廁所有毛巾抹手、又有L'OCCITANE既body lotion任搽,所以上個星期同埋今個星期都去左屙尿。
頭先入去港麗酒店既廁所果陣咁岩wendy打電話黎。
wendy:「@$%&*!#*」
薯:「係,知道啦!而家屙緊尿、bye bye!」
屙完尿後竟然又想屙屎,於是入左廁格。
呢個廁所得兩格廁格,而隔離果格亦有人屙緊屎。
就係呢個時候"爆肛叔"(急屎急到就快爆肛既阿叔)衝入黎拍門。
咁更係唔睬佢啦。
爆肛叔突然惱羞成怒,企圖用力推開廁門。
我慌忙「咳、咳、」咁咳左兩聲,宣示廁格主權。
雖然已經屙完屎,但而家出去露面既話肯定好尷尬。相信"鄰居"亦有同樣想法,不動如泰山。
隔左一陣出面靜哂,可能爆肛叔去左下面果層既廁所,於是我亦準備出去,
但遠處突然傳來阿嬸既嚎叫聲:「喂~呢度女廁黎架!」
爆肛叔:「唔緊要啦,有廁格架嘛!」
嚎叫嬸:「唔得架,放你入去會比老闆鬧!」
原來係清潔阿嬸&爆肛叔既對話……
爆肛叔以迅雷不及掩耳既速度返入黎狂拍門…繼而開始燥狂:「快d出黎呀!」
真係得人驚呀~咁搞法更加唔敢出去啦~
我同"鄰居"都敵不動我不動。
等左好耐,相信"鄰居"已經嚴重腳痺,首先離開廁格♪♪♪
"鄰居"更講左幾句英文,唔通係鬼佬??定係扮鬼佬呢??
真係不得而知~
爆肛叔入左廁格後,聽到佢馬上解褲頭,隨即臭屁四響,然後口中如釋重負地「haa~」左一聲。
日本語版へGO!