第二日約左朋友去富士急HI-LAND玩。
不過朝早7點於津田沼車站集合,4點半就要起身。
於是我決定去津田沼車站前既一間「膠囊酒店」住一晚。
一晚只需3000日圓、約HK$300。
但只有一個床位,大部分設施都係共用。
位置都幾方便,由車站行過去只需30秒,位於呢座大廈既5樓↓
CHECK IN果陣要馬上付款,然後領取浴衣、毛巾、LOCKER鎖匙同埋免費飲品。
首先去LOCKER前換上浴衣,將個人物品收入LOCKER,然後去沖個靚涼。
呢間酒店只招待男賓,完全唔會覺得唔方便。
澡堂咁岩冇人,可以隨便拍照展示比大家睇♪
而今日既入浴劑係「柚子の香り」↓
洗面梳妝台同埋洗手間都好乾淨整潔↓
沖完涼後去左休息間睇電視睇書,直至睡魔來襲↓
最後就係主角「膠囊床」既出場↓
床位大小只有1x2米,但有齊床舖被褥枕頭,都訓得幾舒服架↓
「膠囊床」入面仲有齊燈具、抽氣扇、鬧鐘、收音機、電視,麻雀雖小五臟俱全。
不過而家日本全部轉哂做高清電視,好多頻道都收唔到↓
待續…
日本語版へGO!