謹承上集faye wong自由行。
faye wong接住落黎帶左我地去藤子·F·不二雄博物館。。
呢度真係超正,將好多童年回憶帶返比我〜
「叮噹」有一集講到農夫與斧頭既故事。
叮噹拎左樣法寶出黎幫大雄。只要扮唔小心將一樣野掉入水池,就會有女神出現。女神會拎一樣更加新更加靚既野上黎,問呢樣野係咪你?
只要你老實答「唔係!」女神就會為左獎勵你送呢樣又靚又新既野比你。但女神會沒收你原本跌入水池既野。
相反如果你貪心答果樣又靚又新既野係屬於你,你就會乜野都得唔到。
貪心既技安知道左有呢樣法寶後,返左屋企帶左好多舊野黎準備掉入水池換新野,但佢失足跌左入水池。
女神拎左個靚仔技安上黎問:「呢個新既技安係咪你跌架?」
如果大雄say no,就會得到個靚仔技安,而舊技安會被女神沒收。
如果大雄say yes,女神就為左懲罰大雄講大話將新技安收回之餘,更會沒收舊技安。
真係進退兩難↓
呢度有個景點就係講靚仔技安。
只要上下拉動手把,靚仔技安就會出現數秒。
去片!
玩到累就去左食下午茶:技安豬扒飯。
好有衝動將個碗順手牽羊。
飯後再黎多個技安冰淇淋才是王道〜
如是者過左開心愉快既一日,特別鳴謝faye wong辛辛苦苦帶左我地玩成日。
待續…
日本語版へGO!