等我介紹一下澳洲既日常生活。
我住係一個乜都冇既小鎮,偏遠到手機既網球場慢到幾乎冇用,去超市玩係唯一既娛樂。
o係超市發現咁既香水:
扮哂Sex and the city既「SEX IN THE CITY」↓
公路上有時會見到呢個廣告牌,嚇d司機「每兩個鐘要停車休息!」↓
有時出城見到棵粉紅色既枯樹。
上面全部都係奶罩。
不過幾星期後再經過已經冇哂奶罩,相信有司機帶走左佢地做手信。
小鎮河邊有一列超高大既棕櫚樹,樹上面住左好多叫possum既袋動物。佢地好親人,只要手攞住麵包皮,佢地就會爬哂落黎。
屬於夜行性既possum眼仔大大好精靈,不過佢地用於爬樹既爪好利,要小心。
澳洲真係超級多烏蠅!
以前見到非洲兒童成身都係烏蠅,以為佢地餓到冇力趕走佢地,唔係架!真係多到趕都趕唔走!
頸上有不知明既蟲咬,痕到仆街。
仲痕過既蚊針3、4倍,而且足足痕左一星期。
半夜起身發現左一隻啡色既蟲仔,打死佢之後一大灘血流出黎。
原來呢隻就係背包客最驚既床蟲,專門半夜出黎咬人,殺蟲水都殺佢唔死架。
澳洲連烏蠅都吸血架!
仲大過蜜蜂,呢種叫「虻」既飛蟲,如果你著黑色衫就實比佢咬死。
針你果下就好似醫院打針咁痛,會即刻發現,所以實際佢好難會吸到你血。
但係就算你發現佢地好,趕極佢都會飛返轉頭攻擊你,超恐怖。
除左吸血既昆蟲,有毒蜘蛛亦係澳洲非常出名。
因為經常有被咬個案,醫院會儲備抗毒血清,被咬亦不致於死,不過咬到既地方會超級超級痛,而且會爛。
最出名既「red back」,我殺左勁多隻↓
勁靚,勁有型既「mouse spider」(雌性),一撩佢就會張牙舞爪↓
請完!
日本語版へGO!